Tahrir: 2026-yil 26-oktabr.
1. Taraflar
Ijrochi — O‘zini o‘zi band qilgan shaxs Saydivaliev Saidrasul Javlon o‘g‘li. Buyurtmachi — ushbu ofertani qabul qilgan jismoniy shaxs. Oferta «Vaybkoding akademiyasi» Telegram mini-ilovasi, vaybkoding.uz sayti va @vaybkoder1_bot boti orqali taqdim etiladigan pullik xizmatlarga taalluqli.
2. Predmet
- «Sun’iy intellekt bilan rolik yaratish» onlayn qo‘llanmasiga kirish: Ilovadagi barcha darslar, shablon va promptlar. Birinchi darslar bepul, qolganlari xariddan keyin ochiladi;
- «Kurs + dizayn loyihasi» — yagona tarif, aksiya narxi 199 000 so‘m (bazaviy narx 399 000 so‘m, yaxlitlangan chegirma 50%): barcha darslar, promptlar va Ijrochining tayyor Remotion dizayn loyihasi; arxiv, video yo‘riqnoma va qisqa yo‘l xaritasi bot orqali yuboriladi;
- «Vaybkoding — AI dasturchi» onlayn kursiga kirish — aksiya narxi 99 000 so‘m (bazaviy narx 330 000 so‘m, 70% chegirma): Ilovadagi barcha darslar, promptlar va videolar. 1-modul (dastlabki ikki dars) bepul, qolganlari xariddan keyin ochiladi. Bu kurs «Sun’iy intellekt bilan rolik yaratish» qo‘llanmasidan alohida sotiladi va dizayn loyihasini o‘z ichiga olmaydi;
- shaxsiy konsultatsiya: 1–2 soat, onlayn.
Dizayn tizimidan Buyurtmachi o‘z roliklarida, jumladan tijoriy maqsadda foydalanishi mumkin. Arxivni yoki uning qismlarini boshqalarga tarqatish, sotish yoki tayyor to‘plam sifatida qayta nashr qilish mumkin emas.
3. Ofertani qabul qilish
Buyurtmachi Ilovada «Sotib olish» tugmasini bosgan va to‘lovni amalga oshirgan paytdan oferta qabul qilingan hisoblanadi. Konsultatsiya uchun — so‘rov yuborilgan, shartlar Telegram orqali kelishilgan va to‘lov amalga oshirilgan paytdan.
4. Narx
Qo‘llanma va kurs narxi Ilovada xarid paytida ko‘rsatiladi. Konsultatsiya narxi so‘rovdan keyin Telegram orqali kelishiladi. To‘lov amalga oshirilgandan keyin narx o‘zgarmaydi.
5. To‘lov va kirish tartibi
- Buyurtmachi Ilovada «Sotib olish» tugmasini bosadi va to‘lov usulini tanlaydi;
- karta orqali to‘lovda rekvizitlar faqat botdagi shaxsiy chatda beriladi; Ilova karta raqamini ko‘rsatmaydi. Buyurtmachi botda berilgan rekvizitlar orqali to‘lovni amalga oshiradi;
- Buyurtmachi to‘lov chekini Telegram bot orqali yuboradi;
- chek tekshirilgach, darslar Ilovada ochiladi va bot xabar beradi. Dizayn tizimi arxivi va video faqat «Kurs + loyiha» tarifida yuboriladi.
- Telegram Stars orqali to‘lovda narx Stars’da ko‘rsatiladi. Xaridor shartlarga roziligini belgilaydi va Telegram oynasida to‘laydi. Stars sotib olishning puldagi narxi qurilma, hudud va to‘lov usuliga bog‘liq;
- Telegram Stars bilan to‘lov faqat Telegram ichidagi mini-ilovada ishlaydi; saytda to‘lov Click orqali yoki karta orqali chek bilan amalga oshiriladi;
- Click orqali to‘lovda Buyurtmachi shartlarga roziligini belgilaydi va Click to‘lov sahifasida (Click ilovasi yoki Uzcard/Humo karta) to‘laydi. Narx so‘mda, Ilovada ko‘rsatilgandek. Click to‘lovni tasdiqlab serverimizga xabar bergach, kurs avtomatik ochiladi; chek yuborish talab qilinmaydi;
- Stars to‘lovi Telegram tomonidan tasdiqlangach, kurs avtomatik ochiladi. Skrinshot talab qilinmaydi. Ilovadagi «to‘landi» yozuvining o‘zi kirish bermaydi.
Qo‘llanmaga kirish muddatsiz — Ilova ishlab turgan davr davomida — beriladi.
6. To‘lovni qaytarish
- qo‘llanmaga kirish ochilgunga qadar — to‘lov to‘liq qaytariladi;
- kirish ochilgandan keyin raqamli kontent to‘liq taqdim etilgan hisoblanadi va to‘lov qaytarilmaydi, Ijrochi aybi bilan kirish ishlamagan holatlar bundan mustasno;
- konsultatsiya o‘tkazilmagan bo‘lsa — to‘lov to‘liq qaytariladi.
Qaytarish uchun elektron pochta yoki Telegram orqali murojaat qiling. Pul to‘lov qilingan usul bilan qaytariladi.
Stars to‘lovi bo‘yicha yordam: botdagi /paysupport yoki @redmoonai. Tasdiqlangan qaytarish Stars orqali amalga oshiriladi, shu to‘lovga tegishli kirish yopiladi. Majburiy qonuniy huquqlar va asosli to‘lov nizolari ushbu shartlar bilan cheklanmaydi. Telegram qo‘llab-quvvatlashi kurs xaridi bo‘yicha nizoni hal qilmaydi.
7. Taraflarning majburiyatlari
Ijrochi to‘lovdan keyin kirishni ochadi va texnik muammolarni hal qilishga yordam beradi. Buyurtmachi materiallarni faqat shaxsiy maqsadda ishlatadi va ularni boshqalarga tarqatmaydi (Foydalanuvchi kelishuvi, 4-bo‘lim).
8. Shaxsga doir ma’lumotlar
Xarid bilan bog‘liq ma’lumotlar Maxfiylik siyosatiga muvofiq qayta ishlanadi. Rozilik qaytarib olinsa, xarid haqidagi yozuv ham o‘chiriladi va qo‘llanmaga kirish yopiladi.
Stars buyurtmasida mahsulot, Stars miqdori, to‘lov va qaytarish holati, Telegram to‘lov ID si qayd etiladi. Akkaunt o‘chirilganda bu reyestrning akkaunt bilan bog‘lanishi uziladi; shaxssizlantirilgan to‘lov identifikatorlari takroriy webhook orqali kirish ochilib ketmasligi va qaytarish hisobi uchun saqlanadi. Bank karta rekvizitlari Stars to‘lovida bizga kelmaydi.
Click buyurtmasida mahsulot, summa, sana, Click tranzaksiya va to‘lov hujjati raqamlari hamda holat qayd etiladi. Karta va telefon raqami bizga kelmaydi — ular faqat Click sahifasida kiritiladi.
9. Nizolar
Nizolar muzokaralar yo‘li bilan, kelishilmasa — O‘zbekiston Respublikasi qonunchiligiga muvofiq hal qilinadi.
10. Ijrochi rekvizitlari
- Operator: O‘zini o‘zi band qilgan shaxs Saydivaliev Saidrasul Javlon o‘g‘li
- STIR: 606061971
- Manzil: Toshkent sh., Yashnobod tumani
- Elektron pochta: saidrasul4808@gmail.com
- Telegram: @redmoonai