Oferta, to‘lov va pulni qaytarish

{loyiha yoki repo}da {kurs yoki xizmat} sotish jarayonini O‘zbekiston qonunchiligi bo‘yicha tekshir. Haqiqiy jarayonga mos oferta va pulni qaytarish qoidalarining loyihasini tayyorla. Sotuvchi maqomi: {o‘zini o‘zi band qilgan shaxs / YTT / yuridik shaxs} Savdo joyi: {sayt / Telegram Mini App / boshqa} Mahsulot: {nima beriladi, foydalanish muddati, narx va valyuta} To‘lov usuli: {provayder / bank o‘tkazmasi / boshqa} Rekvizit va yordam kanali: {ma’lumotlar yoki noma’lum} Tekshiruvni o‘tkazayotgan sanangni yoz. Lex.uz orqali shu sanada kuchga kirgan tahrirlarni tekshir; kelajakda kuchga kiradigan o‘zgarishlarni amaldagi talab deb ko‘rsatma. Har bir huquqiy xulosaga qonun nomi, modda yoki band, rasmiy havola va tahrir sanasini qo‘sh. Majburiy talabni yaxshi amaliyotdan, platforma shartlarini davlat qonunidan ajrat. Auditni O‘zbekiston Respublikasining qonunchiligi bo‘yicha olib bor. Boshqa davlatlarning talablarini O‘zbekiston talabi sifatida qo‘llama. Koddagi holatni fayl va qator bilan, hujjatdagi holatni bo‘lim yoki havola bilan tasdiqla. Hosting hududi, ro‘yxatdan o‘tish, soliq, litsenziya va shartnoma mavjudligini koddan taxmin qilma: tasdiqlovchi ma’lumot bo‘lmasa, «tekshirib bo‘lmadi» deb yoz. Rasmiy manbaga kira olmasang, tekshirilmagan modda, jarima, muddat yoki talabni o‘zingdan to‘qima. Maxfiy kalitlar va haqiqiy foydalanuvchi ma’lumotlarini hisobotga kiritma. Bu huquqiy xavflarni aniqlash va yurist ko‘rib chiqishi uchun ishchi tekshiruv; to‘liq qonuniylik kafolati yoki yuridik xulosa emas. Noma’lum faktlar uchun savol ber, javob bo‘lmasa, xulosani shartli deb belgilab, mustaqil tekshirish mumkin bo‘lgan qismlarni davom ettir. 1. Mahsulotning huquqiy turini va sotuvchining aynan shu faoliyatni amalga oshirish huquqini tekshir. O‘zini o‘zi band qilishni barcha faoliyat, soliq va chek talablaridan umumiy ozodlik deb talqin qilma. Kerakli ro‘yxat, ruxsat, soliq rejimi va chek bo‘yicha rasmiy dalil bo‘lmasa, egadan yoki buxgalterdan nima so‘ralishini yoz. 2. Xaridor to‘lovdan oldin ko‘radigan axborotni tekshir: sotuvchi, aloqa va shikoyat tartibi, mahsulot tarkibi, narx va qo‘shimcha xarajatlar, to‘lov, kirish berish, davomiylik, texnik cheklov, yordam, bekor qilish va qaytarish. Reklamadagi va’da bilan haqiqiy mahsulot mosligini tekshir. 3. O‘RQ-792’ning 14–21-moddalari bo‘yicha ofertaning mazmuni, uni qabul qilish usuli, shartnoma tuzilgan payt, hujjatlarni saqlash va raqamli mahsulotga tegishli talablarni tekshir. Haqiqiy qabul qilish oqimi bo‘lmasa, «foydalanuvchi rozi bo‘ldi» deb yozma. Oferta matni, tahriri, qabul vaqti va tegishli buyurtma orasidagi bog‘lanishni isbotlash rejasini ber. 4. Buyurtma → to‘lov → kirish berish → xato yoki qaytarish oqimini tekshir. To‘lovni server tarafda tasdiqlash, takroriy xabarlarda ikki marta kirish berilmasligi va noto‘g‘ri summani aniqlash kabi texnik choralarni tavsiya sifatida ajrat. Karta o‘tkazmasi yoki chek skrinshotini fiskal talab bajarilganining avtomatik isboti deb olma. 5. Bekor qilish, umuman kirish berilmasligi, mahsulot tavsifga mos kelmasligi, nuqson va boshqa qaytarish holatlarini ajratib tahlil qil. Har bir holat uchun qonuniy huquq va biznesning ixtiyoriy kafolatini ajrat. «Pul hech qachon qaytarilmaydi» yoki «shikoyat qabul qilinmaydi» kabi huquqlarni cheklovchi bandlarni olib tashlash loyihasini ber. Aniq muddat, jarima yoki istisnoni faqat qo‘llanadigan norma bilan yoz; uydirma. 6. Kontentdan foydalanish chegaralari, mualliflik huquqi, xizmat uzilishi, shartlarni o‘zgartirish, nizolar va qonuniy javobgarlik chegaralarini tekshir. Sotuvchining barcha javobgarligini bekor qiladigan band yozma. 7. Telegram yoki to‘lov provayderi shartlarini davlat qonunidan alohida tekshir. Mini App’da raqamli mahsulot savdosi uchun platformaning tekshiruv sanasidagi rasmiy to‘lov qoidalarini och; qonuniy to‘lov usuli platformada ham avtomatik ruxsat etilgan deb hisoblama. Aylanib o‘tish usullarini taklif qilma. Yakunida ber: — dalil, holat, norma va rasmiy havola, xavf, tuzatishdan iborat audit jadvali; — egasi tasdiqlashi uchun oferta, qaytarish qoidalari va to‘lov oldidagi qisqa axborot matni; — oferta qabulini va to‘lovni qayd etish bo‘yicha texnik vazifalar; — yurist hamda buxgalterga aniq savollar va manbalar ro‘yxati. Tasdiqlanmagan rekvizit, narx, kirish yoki qaytarish muddatini {to‘ldiriladi} deb belgilagin. Tayyorlangan matnni yakuniy hujjat sifatida tashqi tizimga o‘zingcha joylashtirma. Boshlang‘ich manbalar: «Elektron tijorat to‘g‘risida»gi O‘RQ-792-son Qonun: https://www.lex.uz/ru/docs/6213428 «Iste’molchilarning huquqlarini himoya qilish to‘g‘risida»gi 221-I-son Qonun: https://www.lex.uz/acts/14643